Ingimar Þór Friðriksson, oddviti framboðsins, og Hördís Dröfn í 2. sæti héldu kynningu á fjármálum yfirstjórnar borgarinnar og leiðum til að bæta reksturinn um marga milljarða á ári. Hér eru helstu atriðin sem komu fram á fundinum:
Ingimar Þór Friðriksson, oddviti framboðsins, og Hjördís Dröfn Vilhjálmsdóttir í 2. sæti héldu kynningu á fjármálum yfirstjórnar borgarinnar og leiðum til að bæta reksturinn um marga milljarða á ári.
Hér eru helstu atriðin sem komu fram á fundinum:
01
Opið bókhald hjá Góðan daginn framboðinu
Nú er bókhaldið hjá okkur opið og er gott dæmi um hvernig almenningur geti skoðað tölurnar og veitt heilbrigt aðhald.
Opið bókhald
Skoðaðu bókhald framboðsins
gdf.hfp.is02
Opið bókhald hjá Reykjavíkurborg er ekki með nægilega virkni
Í dag er borgin með opið bókhald en það er alls ekki að virka sem tæki til að hafa góða yfirsýn, hvorki fyrir borgarfulltrúa, lykilstarfsmenn eða almenning.
Ekki er hægt að rekja sig niður kostnað verkefna nema að litlu leyti og þá með mjög flóknum aðgerðum:
- Ekki er hægt að þysja niður skipurit borgarinnar til að sjá t.d. hvernig kostnaður sviða skiptist upp á milli undirdeilda.
- Ekki er hægt að sjá gott yfirlit yfir snertingu birgja borgarinnar við starfsemi borgarinnar.
- Þetta er flest hægt að gera í opnu bókhaldi Kópavogsbæjar.
Ef bókhaldið verður gert einfalt og alveg opið þá má finna með auðveldum hætti fjölmargar sparnaðarleiðir og hægt að grípa inn í framkvæmdir áður en komið er í óefni.
03
Dæmi um sparnað upp á 3,9 milljarða í tveimur deildum
Ingimar veitti upplýsingatæknideild og rekstri miðlægs tölvukerfis Kópavogsbæjar forstöðu í 15 ár. Hér er tekið dæmi um sambærilegar deildir hjá Reykjavík í samanburði við Kópavog. Farið var í opið bókhald hjá báðum og heildartalan tekin þaðan.
Upplýsingatækni
Kostnaður á ári · sambærilegar deildir
Reykjavík
Raunkostnaður
6 ma.
Kópavogur
m.v. höfðatölu
2,15 ma.
+280%
Hærri kostnaður á ári
Reykjavík eyðir um 3,85 milljörðum króna umfram sambærilegt sveitarfélag á ári. Fyrir sömu tegund starfsemi.
Rekstur upplýsingatæknideildar hjá Reykjavík er um 6 milljarðar á ári. Hjá Kópavogi um 614 milljónir, eða 2,15 milljarðar ef miðað er við höfðatölu þar sem Reykjavík er um 3,5× fjölmennari en Kópavogur. Munurinn er því 3,85 milljarðar, eða 280% hærri kostnaður á ári í Reykjavík. Eflaust eru einhverjar skýringar, en þær geta ekki útskýrt þennan gríðarlega mun á milli sveitarfélaga.
04
Sparnaður í öllu kerfinu hjá Reykjavík
Rekstur Reykjavíkurborgar hefur gengið illa á undanförnum árum. Skuldir A-hluta borgarinnar eru yfir 300 milljarðar og afborganir á ári eru kringum 30 milljarðar.
Fyrir 30 milljarða á ári mætti kaupa um 400 íbúðir (80m. kr. hver) og leysa húsnæðisvandann á nokkrum árum, svo dæmi sé tekið.
Ef opna bókhaldið væri í lagi hjá borginni þá væri hægt að finna marga milljarða til viðbótar þegar allar deildir væru skoðaðar. Ekki bara með því að sjá kostnað sem er allt of dýr, heldur líka með því að fá gott tæki til að hafa yfirsýn yfir rekstur Reykjavíkurborgar nánast í rauntíma, svo borgarfulltrúar geti gripið inn í og bætt reksturinn með upplýstum ákvörðunum.
Stærðarhagkvæmni Reykjavíkurborgar ætti auk þess að geta leitt til enn meiri lækkunar á rekstrarkostnaði. Enn betri rekstur yrði svo ef kjörnir fulltrúar hefðu þekkingu og reynslu á rekstri og gætu lesið í bókhaldstölur þannig að bæta megi reksturinn.
05
Lokaorð
Eins og sést á ofangreindu þá er hægt að bæta rekstur yfirstjórnar Reykjavíkurborgar um marga milljarða á ári með betri gögnum.
Til lengdar mun reksturinn verða sjálfbær þegar yfirstjórnendur hafa gott stjórntæki í höndunum. Skuldir munu lækka hratt, þjónustan verður betri og á endanum gæti betri stjórnun leitt til lækkunar á álögum borgarbúa, sem eru nú þegar nánast í botni á öllum stöðum.
