Starf borgarfulltrúa er í raun ekki ólíkt starfi stjórnarmanns

• Lýðræðið blómstrar þegar hæft og drifið fólk stígur fram og býður sig fram til ábyrgðar. Það er mikilvægt að sem flestir sjái sér fært að bjóða fram krafta sína í þágu borgarbúa.
• Við lítum á starf borgarfulltrúa eins og ábyrgðarstarf í stjórn stórs fyrirtækis. Þar skiptir máli að móta skýra stefnu, tryggja góðan rekstur og taka upplýstar ákvarðanir byggðar á þekkingu og reynslu.
• Borgarstjórn á að vinna saman að bestu niðurstöðu í hverju máli, setja fram mælanleg markmið, vinna náið með embættismönnum borgarinnar og hvetja alla starfsmenn borgarinnar til góðra verka.
• Við teljum að hefðbundnir stjórnmálaflokkar séu ekki forsenda fyrir góðri borgarstjórn – og geti jafnvel staðið í vegi fyrir bestu niðurstöðunni ef flokkslínur vega þyngra en hagsmunir borgarbúa.
• Áherslan á að vera skýr: Við viljum fá hæft fólkið að borðinu – óháða aðila og alls ekki endilega þá sem þekktastir eru.
• Ákvarðanir borgarstjórnar á síðasta kjörtímabili eru margar svo illa ígrundaðar að nú er nauðsynlegt að fá nýja og óháða aðila í borgarstjórn, aðila sem þurfa ekki að verja rangar ákvarðanir félaga sinna.

Ný nálgun við „ráðningu” borgarfulltrúa

Við horfum á þetta þannig að kjósendur velji á milli framboða og eru þannig með sínu atkvæði að „ráða” sína borgarfulltrúa.

Torfi Markússon einn reyndasti ráðningarsérfræðingur landsins hefur selt hlut sinn í Intellecta og látið þar af störfum. Þetta gerði Torfi meðal annars til að koma þessu framboði á laggirnar og taka að sér það mikilvæga verkefni að hvetja hæft fólk til að gefa kost á sér.

Í stað þess að treysta núverandi flokkum fyrir borginni þá telur Torfi rétt að bjóða borgarbúum upp á nýtt ferskt framboð með nýjum og hæfum frambjóðendum.

Um Torfa

Torfi er menntaður rekstrarfræðingur. Starfaði hjá Intellecta sem sérfræðingur í ráðningum frá 2010 til mars 2026 auk þess að vera hluthafi í fyrirtækinu frá 2013.

Áður en Torfi hóf störf hjá Intellecta starfaði hann sem starfsmannastjóri á miklum uppbyggingatímum hjá TMSoftware og dótturfyrirtækjum þess á árunum 2000-2010. TMSoftware og dótturfyrirtæki störfuðu á sviði hugbúnaðargerðar með áherslu á lykilkerfi sinna viðskiptavina, ráðgjöf og þjónustu því tengt auk hýsingar- og kerfisreksturs. Frá 1991-1999 var Torfi ráðningastjóri hjá Ráðgarði. Það fyrirtæki starfaði á sviði ráðningaþjónustu í sérfræði-, stjórnunar- og ábyrgðarstörf auk stjórnunar- og rekstrarráðgjafar.